Важӧн эг солавлы ельдӧг. Водзын ичӧтдырйи арся кадӧ тайӧ тшакыс вӧлі тыртӧма став гырысь дӧзмуксӧ веранда вылын. Ельдӧгсӧ кӧтӧдісны куим лун, мамӧ
вежлаліс васӧ. Сэсся солавліс ведраясӧ. А вотіс папӧ. Мунліс водз асывнас, а воліс мудз, но долыд пажын бӧрын. Нимкодьпырысь висьтавліс, мый
муніс пыжӧн Уръёль ягӧдз, вуджис кык нюр, вӧльысь воис ас местаӧдз. Вайліс чӧскыд дука тшаксӧ
ыджыд нопйын да кӧрзинаын. Рытнас вина юыштліс ыджыд удж бӧрти…
Таво зять миянӧс кутас чӧсмӧдлыны ельдӧгӧн – вотӧма кык
ведра. Ыззьӧмӧн висьталіс, кыдзи воӧдчисны Эжва мӧдлапӧлӧ да мотикъясӧн лэбыштісны Уръёль
ягӧдз, нӧшта кык нюр вуджисны. Еджыд шляпаа тшакыс уна таво петӧма…
Паськыд юӧн шлывгӧ водзӧ кадыс. Вӧр-валы ӧткодьӧсь и
йӧз, и тшакъяс. Ставныс ас кадӧ чужӧны, ас кадӧ бырӧны…Татшӧм арся мӧвпъяс…
Ой, кутшӧм чӧскыдӧсь... Дуль петӧ... Тшӧтш ичӧтдырӧс казьтылӧны. Миянын найӧс шуӧны "еджыд гӧна дор". =)
ОтветитьУдалить